«Այլընտրանքը կործանումն է». Հանրահավաքը սկսվեց

Հենց նոր Ազատության հրապարակ եկավ ՀՀ նախագահի թեկնածու Րաֆֆի Հովհաննիսյանը։ Նա անցավ հազարավոր մարդկանց միջով՝ բարեւելով։

«Բարի լույս, Հայաստան»,- ասաց նա՝ մոտենալով ամբիոնին։ Բոլորը վանկարկում են՝ Հայաստան։ «Մի կյանք, մի երկիր, մի Հայրենիք»,-Րաֆֆի Հովհաննիսյանի բառերն էին հարթակ բարձրանալուց հետո։

Հանրահավաքը վարում է Արմեն Մարտիրոսյանը, ով ներկաներին դիմոց որպես համախոհների եւ միասնական գաղափարն է՝ Հայաստան։

«Մենք բոլորս մեկ ճանապարհ ունենք՝ Հայաստան։ Այլընտրանք չկա, այլընտրանքը կործանումն է։ Հաղթանակ, հաղթանակ»,-բղավում էր Ժառանգություն կուսակցության փոխնախագահ Արմեն Մարտիրոսյանը։ Նա նկատեց, որ երկու ամիս առաջ ոչ ոք չէր հավատում, որ այս օրվան ենք հասնելու, «բայց Րաֆֆի Հովհաննիսյանն ասաց՝ հնարավոր է։ Մենք էլ էինք կասկածում ճիշտն ասած, բայց Րաֆֆի Հովհաննիսյանը համոզեց, որ հնարավոր է»։

Ներկա է նաեւ Նախագահի թեկնածու Անդրիաս Ղուկասյանը, ով ասաց, եթե տրամադրեն միկրաֆոնը՝ ելույթ կունենա։

Source Publication: a1plus.am
Source: http://www.a1plus.am/en/politics/2013/02/22/raffi-rally

Name:

Invalid value

Comments:

Invalid value

Submit