Տեր-Պետրոսյանը չի հեռանում

Երեկ Արաբկիրում Սերժ Սարգսյանը մեկնաբանել է Տեր-Պետրոսյանի վերջին հարցազրույցը՝ ասելով. «Անցել ա ժամանակդ, ցտեսություն»։

Տեր-Պետրոսյանը չի շտապում հեռանալ։ Նա արդեն խոսել է ՀԱԿ կուսակցություն ստեղծելու մասին։ ՀՀՇ վարչության նախագահ Արամ Մանուկյանն այսօր մտորում էր՝ ինչպե՞ս մեկ տասնյակից ավելի կուսակցություններից ստեղծել մեկ կուսակցություն

ՀՀՇ-ի ինքնալուծարումը բացառված է,-ասում է ՀՀՇ վարչության նախագահ Արամ Մանուկյանը։ Այդ կուսակցությունն, ըստ նրա, եվրոպական մի շարք կառույցների անդամ է . «Մենք եթե ընտրենք լուծարման ճանապարհը, ապա նշածս բոլոր պարտավորությունները, արտոնությունները, որ ես ունեմ Եվրոպայում որպես ՀՀՇ վարչության նախագահ, մենք զրկվում ենք դրանցից»։

Պարոն Մանուկյանը կողմնակից է, որ ՀՀՇ-ն ոչ թե ինքնալուծարվի, այլ վերակազմավորվելով դառնա Տեր-Պետրոսյանի պատկերացրած ՀԱԿ կուսակցության մաս։ Լրագրողները փորձեցին հասկանալ՝ փոխու՞մ է ՀՀՇ-ն իր անունը, թե՝ ոչ

«Անունի մասին որեւէ կոնկրետ բան էս պահին չկա, կա էս պահին բովանդակային խնդիր՝ ստեղծել նոր մի կուսակցական միավոր ավելի լայն, ավելի ընդարձակ ֆորմատով»,- հայտնեց նա։։

Անձամբ Արամ Մանուկյանին դուր է գալիս ՀԱԿ-ը կուսակցություն դարձնելու Տեր-Պետրոսյանի գաղափարը։Ինքը ՀԱԿ կուսակցությունում տեսնում է շարժման հատկապես ոչ կուսակցական հատվածին:

Source Publication: a1plus.am
Source: http://www.a1plus.am/en/politics/2013/02/08/aram-manukyan

Name:

Invalid value

Comments:

Invalid value

Submit