Տրանսպորտը չի աշխատում

Չնայած Հայ ազգային կոնգրեսի այսօրվա հանրահավաքն արտոնված է, սակայն խոչընդոտվում է մարզերի բնակիչների տեղաշարժը Երեւան:

Դեռ երեկ երեկոյան մարզերի, օրինակ` Կոտայքի բնակիչները, տեղեկացել են,որ այսօր երթուղային տաքսիներ չեն աշխատելու: Նրանք, ովքեր Երեւան են փորձում ժամանել տաքսիով, վերստին վստահ չեն կարող լինել, որ տեղ կհասնեն: Ճանապարհին կանգնեցվում են այն բոլոր մեքենաները, որոնցում տղամարդ ուղեւորներ են:

Ազատ տեղաշարժի իրավունքի հերթական խախտման առիթով Հայ ազգային կոնգրեսը հայտարարություն է տարածել:

«Մարտի 1-ի հանրահավաքին ընդառաջ Հայ Ազգային Կոնգրեսը պարբերաբար տեղեկություններ է ստանում իշխանությունների կողմից ձեռնարկվող ապօրինությունների վերաբերյալ: Վերջին շաբաթվա ընթացքում վարչախումբը ՙբացատրական զրույցների՚, սպառնալիքների միջոցով հատկապես ՀՀ մարզերի բնակչությանը փորձում է հետ պահել մարտի 1-ին կայանալիք հանրահավաքին մասնակցելուց: Զուգահեռաբար մարզային տրանսպորտային ընկերություններին և անհատ փոխադրողներին հրահանգվել է անհրաժեշտության դեպքում մարտի 1-ին դադարեցնել ուղևորափոխադրումը Երևան:

Հայ Ազգային Կոնգրեսը դատապարտում է վարչախմբի հերթական ապօրինությունը և հայտարարում, որ նման ճղճիմ քայլերը որևէ ազդեցություն չեն ունենալու ինչպես մարտի 1-ին կայանալիք հանրահավաքի, այնպես էլ հետագա պայքարի վրա»,-ասված է հայտարարության մեջ:

Source Publication:
Source: http://www.a1plus.am/en/politics/2010/03/1/gazel

Name:

Invalid value

Comments:

Invalid value

Submit