Հերթական ակցիան | YerevanNights.com

Հերթական ակցիան

Երեւանի ավագանու ընտրություններից հետո այսօր կրկին իրացման գոտու բնակիչները հավաքվել էին Կառավարության շենք մոտ:

Այսօր էլ ոստիկանները նրանց թույլ չտվեցին կանգնել շենքի դիմաց, եւ նրանք իրենց բողոքի ձայնը բարձրացրին կառավարության շենքից բավականին հեռու:

«Ինչքան կարելի է խաբել, ոչ մի ընտրության չենք մասնակցում, էլ ոնց կարող ենք կոչվել ՀՀ քաղաքացի»,- ասում են իրացման գոտու բնակիչները:

Իսկ «Սեփականության իրավունքի պաշտպանություն» ՀԿ նախագահ Վաչագան Հակոբյանը «Ա1+»-ին ասաց, որ իրենց ոչ մի պատասխան չի տրվում.«Ավելի լավ է, մեզ ասեն, որ մեր գործերը չեն անում, եւ մենք էլ իմանանք մեր անելիքը»: Վաչագան Հակոբյանը նաեւ նշեց, որ հուսահատությունից գնալով ավելանում է քաղաքից հեռանալ ցանկացողների թիվը:

Այսօր Կառավարության շենքի դիմաց կրկին հավաքվել էին խաղաղ պայմաններում հայկական զորամասերում սպանված զինվորների մայրերը` իրենց որդիների լուսանկարները ձեռքներին:
Այստեղ էր նաեւ տավուշցի Ալվարդ Մարգարյանը: Վերջինս իր 31-ամյա որդու մահվան համար մեղավոր է համարում Բերդ քաղաքի հիվանդանոցի գլխավոր բժշկին:
«Վթարի հետեւանքով է հայտնվել հիվանդանոցում, սակայն մահացել է թունավորումից»,- ասում է մայրը, իսկ հետո ավելացնում, որ թեեւ այդ բժշկի գործունեության արդյունքում բազմաթիվ մարդիկ են մահացել, սակայն նա շարունակում է աշխատել:

Source Publication:
Source: http://www.a1plus.am/en/society/2009/06/4/cuyc

Name:

Invalid value

Comments:

Invalid value

Submit